愛情疑難
相處之道
心情抒發
人生經歷
生涯規劃
課業相關
占卜世界
活動專區
身體健康
雜七雜八
清茶淡話
小說天地
投資理財
關於APP香港學生對人生規劃(四)
嗨嗨！我係迷惘嘅中二生啊。其實本身起過稿一次，但係發現最近煩惱問題實在太多啦，如果逐一詳寫真係寫唔晒，你都唔想覆，所以我就重新寫啦～ 我今次有成4 5個問題想問。
第一，留學讀書應該揀對移民有利嘅科定冷問科好。雖然我之前話過諗住去澳洲讀社工/xx治療。但澳洲啲大學未必及我想要嘅，所以我都係想考慮埋英國。我本身就想讀心理同社會，但2科都較冷門，如果要做臨床心理學家or教育心理學家就需要讀到碩士，好似難度頗高 至於law n medic ge話我係ok ge。你可唔可以講下有冇話讀咩會易移啲啊，或者應該跟自己意願or跟工作性啲嘅科好啲。
第二，就係讀咩科好。我本身係諗住揀理科嘅，我想讀理啲，但啲人話chem n bio都好難，加上我間學校重文輕理(我嗰間係藍田St.Paul，理論上理科都唔差得點嘅)。我本身諗住喺留港嘅話讀返醫嘅，啲人就話讀phychem econ n m2，我數學上年第1所以唔講m2 la，但phychem就驚驚地。唔該指點一下~~
第三，補習。我唔太知道喺英讀大學嘅話雅思要幾多分，我喺學校上年係全班第3 ge，但唔知水準要到幾多先去得，亦唔知雅思係點樣，因為學校操嘅都係dse。唔該指點下有冇需要補習同如果有又會去邊度補嘅問題~~
第四就唔係人生規劃啦，就係講壓力問題。今年我哋班多咗個超級學霸，係另一班嘅第1名，通常啲科唔係我拎第一就佢拎第一，但老師冇報平均分嗰啲嘅科我就會爭好多先滿分咁 所以成日都覺得佢一定今年第一。我覺得自己好似慣咗第一咁，好似覺得理第二都太低要求。自從我哋個secret成日有depression ge post之後，周邊嘅學霸snd好多story講壓力啊失眠啊咁，包括我自己都有send。我嘅壓力主因來自中文，因為我作文啲分數升班後平均低咗5分咁多，搞錯體裁嘅時候我下次就改用啱框架，用啱框架又話我文筆唔好，文筆好咗就話我選材太差，我真係勁憎中文。之前講嘅拎第二嗰個朋友佢係叻中文，佢都話中文根本就係低處未見低，我成日都覺得中文唔讀唔得，但又係我弱項。所以希望我嘅壓力唔開心可以得到指導。
大約就係咁，我每個pt都有儘量修過，但係第4個pt實在係太多野想講，所以寫得太長真係唔好意思。不過比起趕信，我比較鍾意用心啲，所以姐姐唔一定要好快回我都okk。(之前見過有啲勁快回覆但一睇就知冇用心嗰啲)，但姐姐就係因為寫得用心所以好鍾意揾你＞<
綠茶豆腐
唔好意思咁遲先覆你_(:3」∠ )_
因為多用咗啲時間去睇同埋捻點覆……所以有啲慢，原諒我(இωஇ )
首先先回答第一個問題
其實揀讀咩科唔建議睇佢係冷門定點，最主要係你讀唔讀得到同有冇興趣
如果英國黎講比較有利移民既就一定係理科類，當然心理學都算頗熱門既學科而且就業機會都唔錯，有利移民
最近英國放寬咗研究生既簽証批核，所以靠居留幾年咁去移民既話理科研究生一定得
工作方面既話醫生嗰類無論係邊種醫生都一定得，因為英國超級需要醫生
不過都係講句，意願一定會好過配合
因為如果係你既意願，你會更加容易讀好嗰一科，如果係為咗前途而選擇配合，無論係壓力定辛苦程度一定會高
因為讀書並唔容易，無論係乜國家
問題二揀科問題
確實我有聽講你地學校文科係幾好，不過唔代表理唔好架，起碼我有識既人理都超勁，我之前仲搵佢幫我補理科(๑•̀ᄇ•́)و ✧ (#
我離題，sor
其實無論咩科都有佢難既地方，唔建議單聽其他人既評價去做標準
phy chem我係覺得OK，不過我揀科我係揀phy 冇chem，因為太多學名唔想背(=￣ω￣=)
讀過既感覺只有實驗好多幾好玩，考試主要都淨係考你之前實驗既結果，變化原因嗰類←chem
phy一開始就計數多，我地有計地心引力啊，拉力嗰種力學同電流，只要一開始有搞清concept就唔難讀
但要有個心理準備係你要可以接受變化
文同理既唔同就係文既答案永遠只有一個(柯南
理係答案永遠都會有推翻既可能性，只有自己試過先知自己既答案
不過我唔明點解啲人會要你商混理……
正常應該讀醫都會讀phy chem bio 驚分唔高可以再用core m2去拉分
如果唔係建議就唔好+m2，M1M2都係讀到想死既野
想死唔係難到想死，而係忙到想死
M1M2讀既數同普通數唔同，所以如果話要掌握到好熟練習一定唔可以少
但已經讀咗三科理嗰陣功課類已經多到人都癲好難再Handle一科
當然，你都可以F4嗰年揀埋試水溫
因為F5可以drop科
問題三 雅思
去英國大學一般要求雅思要係每個core有6以上，average 6.5
其實唔難考，起碼我冇用到補習社去補佢
雅思考既有4樣聽寫讀說話
說話
好簡單，只要你對答如流好似同普通朋友傾計咁就已經可以有6
因為佢想考你可唔可以自己用對答係英國度居住，話曬英國人係用英文溝通
如果你英文唔掂溝通唔到你咪死梗
聆聽
係小學生程度既野，佢既答案一定係順次序出
除咗第一部分係填空題後面全部都係MC題，如果想練就多聽一啲英文既戲啊歌啊咁，單用聽可以聽到佢啲英文字你聆聽就一定有6.5-7
閱讀理解
會出既都係得填空題，MC，搵同義詞同搵標題
如果要練既話可以多睇英文書
作文
呢個你就要注意，佢既part 2 作文多數係Yes or No或舉三項例子既文
佢既題目可以好易亦可以好奇葩
好似阿腐遇過既「渡渡鳥的絕種是命運所謂，如果人類也面臨絕種應否抵抗命運」開卷已經問晒號想死
當然你亦有可能開到「科技是否已經普及化？請例舉三項例子」既送分題
不過佢作文有個優點，就係佢唔會睇你講既係咪fact，係睇你既作文可唔可以引起閱讀者既讚同感
所以你如果好識得引起他人認同咁呢個一定難唔到你
佢part1就超級簡單，因為只係一般既圖片形容問題
如果話想做練習我都有個IELTS練習網可以介紹俾你用，入面有好多問題可以當練習網站點我
以上係關於你人生規劃既問題既答案，希望有幫到你啦(=￣ω￣=)
啊嘶……學霸既煩惱學渣既阿腐只好幫你抹眼淚(沒
中文的確係一件好煩既野
香港對中文既高要求高到令其他國家都髮指
想要提升中文我都淨係得多讀所謂文學佳作既書去升華一下自己既格調(？
你有冇試過對比你朋友既中文同你既
因為中文其實好睇思維
就好似你望住一個蘋果你只會諗到佢係紅既甜既
但另一個人見到蘋果就會諗到出產既國家，地心引力理論等等等等既野
阿腐自己覺得選材既問題可以歸納係思考框架太細既原因
唔知你有冇睇過愛麗絲夢遊仙境，入面屠龍嗰陣愛麗絲有講過自己會去思考每日既10件不可能既事
呢個係一個好好既思考訓練
當然，唔係要你每日去思考自己十件不可能既事，而係去諗一件物品既10件-30件有關聯既野
文筆既進步方法其實問其他人建議都係一樣
多啲睇文學佳作，然後抄低你覺得好靚既句子，然後去運用佢
大慨方法我暫時淨係諗到咁多，唔知幫唔幫到你
如果有問題歡迎再搵我，我都會儘力幫忙喔╰(*´︶`*)╯
可能你會奇怪明明你係想阿腐俾引導壓力既方法你
但就俾咗其他野你
其實係因為阿腐係嗰種拔除根源煩惱主義既人
如果冇辦法根除，起碼都要令佢既影響力冇咁大
所以就提議咗上面既野，希望可以令你既煩惱少啲啦
(இωஇ )
新年快樂喔，趁住新年食多啲野減減壓增增鎊啦٩۹(๑•̀ω•́ ๑)۶
聽講化悲憤為食糧既方法唔錯架(？
