點講好呢……

其實阿腐後日都會返到香港

而家都驚緊會唔會被拒入境或者返屋企中途入咗戰場被人拉咗……

首先都先恭喜你搵到要去既地方

亦祝你讀書順利

跟住就傾傾POPO

我覺得政府會踩到咁衡係因為如果政府而家縮沙丟既係中共架而唔係香港政府

因為一開始抗爭時政府就已經擺咗中共上臺

如果佢地縮就會被中共開刀

都係嗰句啦，背後勢力乁( ˙ω˙ )厂

政府唔驚死人係因為對佢地嚟講如果重演天安門事件就可以令香港巿民聽話洗腦係件好賺既事

不過明顯係佢地一開始就揀錯路行又死要面

姐係嗰句

自己揀既路，喊住都要行完

其實警察自己而家都心惶

因為就二噁英單野先出事既係警察而唔係巿民

上頭自己死要面，仲炒咗一啲因為二噁英吸過量出事既警察希望壓住單野

真心心涼(°ー°〃)

所以好仔唔當差，就算當都千祈唔好做散仔

做個消防散仔都可能攬返嗰紅雞威下

做警察真心咩都冇

不過新移民呢個我覺得要重新定義一下

因為其實我身邊有唔少新移民都撐黃呢邊

佢地睇得好透，因為佢地都知道如果唔係因為中共冇自由佢地都唔洗搬去香港

藍膠都係形容返啲冇眼睇冇腦諗隻眼得$$幾人比較好

不過講起啲人見我地係香港人就當係中國人咁排擠呢件事我倒係諗係我一個同學

佢今年第一年出國，同我讀唔同大學

唔知係咪學校關係

佢嗰邊啲人比較偏激，只要係亞洲人唔理你係香港定韓國，先排就冇錯= =

我覺得遇到呢種人可以唔洗理

先唔講佢有冇解犯世界反歧視法

淨係一味識得一棒打沉一艘船既人腦唔會聰明得去邊

同一個唔聰明既人溝通只會攰死自己

所以都係同聰明人講野阿腐係超級推薦喔~~♡

呢場抗爭會維持幾耐呢？

可能一年，可能五年？

阿腐都唔知，但我知道一定唔會超過十年

要知道歷史上我地見到既都係君主制

君主制既動蕩比一般要長係因為君主地位難以動搖

對一啲人嚟講反對君主就同天作對一樣

所以難上加難

但香港唔同

香港係法律制

法律先係主宰一切

唔會偏私亦唔會因為你係天皇玉帝就免你罪

所以相比之下會容易推翻得多

水能載舟亦能覆舟

既然特首係我地捧上去

佢總有一日會比人拉落馬承擔所有既失望

而我而家可以做既除咗幫手推佢

就只有增強自己既實力去面對將來即將會發生既事

唔好諗太多，你而家最重要既係讀書，要為出國加油(〃'▽'〃)