害怕妒忌

嗨 我係上次嘅迷惘嘅中二生。今次講其他話題先。我成個小學到中一為止都係考第一，但係中一後嚟其實都退咗。我亦都知中學嘅排名比較難維持。小一嘅小時候，我識咗個插班生係劉xx，佢成績一般維持喺2/3/4名，我本身同佢係fd，後嚟小二三都唔同班，小四時同返班，我多咗揾佢玩。有時會去佢哋屋企食飯。但有一日，佢同我講唔得，我啲fd都開始疏遠我，我嗰陣時仲未知呢啲叫“欺凌”“排擠”，後嚟佢同我講佢啊媽唔比，我傻傻地咁信咗。後嚟因為好多人背叛我，我成日都好傷心，嗰陣仲有個女仔姓王，佢同我哋2個本身係bff，但係後嚟佢變咗中間人。有次掉位掉咗我同佢坐，然後我後面嘅係姓張，佢係成日都幫劉，嗰陣時仲會話“你哋傾計我就話比老師知”，有時候仲會話比錢佢佢就唔告我哋。嗰陣我成日都夜晚喊，而我同啊媽嘅關係唔係咁好，佢都唔係好識察覺我。我嗰陣時仲係同父母瞓，大約10點到11點，我就會喺間房喊，通常我啊媽都喺度瞓，而啊爸喺客廳到，佢哋一直都唔知我有咁樣成日夜晚喊過，直到最近我先同我啊爸講。後嚟小五因為分班而冇再點理，我就係咁重新建立過朋友，但佢暗中經常同老師講我做過啲咩衰野，大部分其實都係假嘅，我冇做過嘅。升上小六，多咗啲活動之後，好多時我哋會2班合併一齊活動(我哋學校規模細)，通常都叫我哋自己分班，而嗰陣我先知，連喺我小五識嘅我哋班嘅插班生都唔支持我，個個都寧揀劉。當時我哋2班都好憎彼此。但其實我哋班啲人都內心想支持返劉，可能因為覺得我勝率太低。我當時係風紀隊長，佢哋班有個姓陳係我隊嘅錄音鬧我同王，話我哋唔好管佢當值。我當時有向過老師同家人反映，冇人幫我。最大原因係副校係教佢哋班。我有個bff姓何，係惟一一個從來都冇背叛過我嘅人。有次劉告我話我同何喺維基寫佢資料，而我係主要，但網上直情冇資料，同埋何中文並唔好，佢並冇呢個能力。副校冇問我，但佢仲對劉咁好，就好明顯佢唔相信我。而隔離班中文老師亦都不停問何係咪真係冇。好明顯佢哋連查都冇查就信咗。而我就帶住呢個罪名畢業。而當時劉欺凌我嘅理由，我聽唔同人有唔同講法，但我估係成績嘅原因掛。我當時真係好傷心，好驚中學又遇到。一遇到一個人有同劉相似嘅諗法或者性格我就驚。後嚟我成日都喺呢到問或者同同學講先至慢慢好起嚟。有次我望到ig上有人同我經歷差唔多，但佢冇而家啲fd坦白，覺得好痛苦。而下面留言話“有藥物治療會好啲。叫你唔諗係冇可能，因為呢件事已經成為咗你心裏嘅傷害” 就令我諗起我今年諗嘅野，嗰件事對我嘅傷害原來咁大。
今日我同我啲fd講“但唔知我係咪可以讀好chem”咁樣，佢突然變得好嬲話我都第一啦仲咁咁咁，仲話我妄自菲薄。而佢係考第3名，家境比較，我好佢好多。然後佢就話，佢嫉妒到厭惡。我開始驚，我懷疑我曾經係個咁嘅存在，我好驚。我只要見到有人有劉嘅特徵，我就會好驚，好驚再被人蝦，然後人緣冇晒。我知我比人蝦，好難有人幫到我。能夠令到我喊嘅，通常都係欺凌/啊媽/香港而家嘅事，而欺凌係最多。依然會有小學同學po佢出嚟，我已經刪咗大部分小學同學同grp，但仲有啲會send。我憎見到嗰啲留言，望到佢同fd開心嘅樣我就嬲。我比起啱啱畢業時走咗出嚟好多，嗰陣時個個禮拜都會諗起佢，而家可能幾個禮拜或都成個月都冇諗起佢。但都可能只係因為暑假嘅關係。我記得以前，成日比人屈嘅感覺，想像到啲老師係點睇我，我好記得嗰陣副校扣多咗我分唔肯比返我，我仲記得劉嘅無情樣，啲男仔鍾意佢鄙視我嘅樣，仲有陳嘅錄音，其他人嘅背叛。嗰陣每日都有人同我講“劉話你着得好難睇”“劉話你賤啊”，每人都覺得好痛苦，但被同學話仲要比老師誤會。我以為成績好嘅學生通常都比較受老師注重(但我冇利用老師做啲咩)，原來成績貢獻大啲對人好啲反而會比老師同學蝦。我仲記得當時我同我屋企人講劉排擠我，我啊媽話:你咪包容下佢囉。呢句話一直對我傷害好大，但佢唔知。我事後問佢點解由得件事發生，佢話:咁唔係點啊。投訴去學校都好煩佢哋啊。所以我一直都好憎我啊媽，我屋企比起劉更有權有錢，所以唔需要擔心得罪佢嘅問題。加上主要收入來自我啊爸，我啊媽作息正常，佢明明好有能力做到。我哋屋企人都唔鍾意啊媽，因為次次都係我哋幫佢，佢唔幫我哋。呢件事一直帶比我好大嘅傷害，亦都唔個傷幾時好得返，只係中學啲人好好，我冇咁擔心。
幫我啊唔該
By 迷惘嘅中二生

綠茶豆腐