反思

最近的感恩裡面，感受到聖靈不斷透過環境向我開啟祂對我以及對這間公司的心意如何。

看見公司對員工的信任，從自由程度可以看到，沒有合約制，離職不限通知期，取假容易。雖然公司有CCTV ,老闆係信任員工係所以唔會特別check CCTV 嚟睇我地有冇做嘢

看見每件事情的發生都有好多學習，例如明白也實踐緊一個待人處事的方式，就係不清楚的事情不能作任何推測，否則同別人講左明明自己唔清楚但講到似層層，對方又完全相信嘅話，到最後不能兌現，真係好不負責任。所以我學習緊說話要謹慎。而昨天一件小事上行到出嚟。

感激公司裡面的同事上司，每一個部門的同事都很愛惜我，但別人不會下下表達對我的接納，欣賞，鼓勵，肯定，所以我要在職場中搵到自己的位置。

發現自己在這公司有好重要的職務，也看見點解有d位，老闆上司暫時唔會比我幫手，例如有文員同事快離職，但完全冇handover 比我（我指有部分關乎我的職責都交比我），當初係好唔開心。但現在覺得感恩係相信公司對我的體諒，知道我承受程度去到邊，有時上司老闆對我黑面，我會好驚，但現在有另一番體會，感受到佢地其實都係訓練我，唔好咁怕事，在處事上，在職場中要堅強，有d嘢要企硬。暫時唔比我同設計公司聯絡都係好大的恩典，因為我唔夠硬淨，會好易比設計公司的人㩒住我，然後我又妥協。

其實前日好小朋友嘅事，都係比我睇到，人的慣性係推卸責任，但我卻選擇承擔係要欣賞自己，不過要知道其實個兩位同事比老闆鬧，其實唔係100%都關我事，佢地都有責任，所以我只要同兩位同事講番唔好意思，我下次會留意番，咁已經做左自己部分.

發現到原來是非同講自己的感受比人聽，係心態的問題，所以為了別讓人誤會，我會加多句，這只係我個人的感受。原來是非的動機係攞人地的不足或者事情來同他人作交際
所以自己要避免，也要有智慧的表達，要學習唔好比人有追話柄，說是呀妍講。。。。

呢個都係我好小朋友既處事手法，但要成熟，就係別人講左比我聽嘅嘢，就要保護番當事人，同埋講呢樣嘢我知嘅人。

可能嘅做法係講件事情，但不提對方的名字。

求主繼續打開我眼睛，讓我看見更多，用心領會更好。一天一天地成長
我覺得呢d待人處事的學習是一生的功課，我所睇到嘅仍有限，但感謝神透過職場，環境向我生命說話。

早前與牧者的關係，常帶住期望。就係好想好似糖痴豆般依附著她，常常將心底最真誠、自己心裡既需要和想法與對方分享，因為覺得對方會明白和信任得過，之後愈來愈倚賴，但又覺得對方開始唔明白唔理解，我又唔明白佢，佢又唔明我，之前好想關係更close，但事實卻變得愈黎愈遠，發現自己係時候要獨立，不能再將自己依附在別人身上，要長大要成熟，欣賞自己，要學習關心自己的情緒心靈需要但不是倚賴別人，因為人不能滿足我心裡面的渴求和需要。

開始要學習我忍住自己唔好有咩都搵對方同對方分享，欣賞接納自己，學習同自己內心對話，花左一段時間操練，慢慢建立到安全感，我相信當我學懂這功課，我同人的關係隨之變好。

可能過程中情緒都會起起伏伏，因為自己當初被關係捆住，誤以為關係好close彼此赤露敞開才覺得關係係好，唔係對方就唔愛自己，好驚關係決裂，原來最大問題係自己對自己無信心、怕被遺棄、沒有安全感，真正要面對的是其寶係自己內在的需要

---

蘇美戰神